· Entamu

El butiellu ye'l manxar más sabrosu y emblemáticu de la gastronomía berciana.

El términu "Butiellu" deriva del llatín "botellus" ou "botulus", tornáu pur salchiecha, morciella ou chourizu. En rïalidá trátase de las tripas griesas del gochu nas que s'embuten deillos xeitos de carne d'esi animal. El butiellu ye un produtu típicu d'esta comarca llïonesa que s'asomóu a lu postreiru pulas tierras llimitrofes maragatas, llacianiegas ou gallegas.

Los orixes históricos del butiellos son discutíos. Dalgunos historiadores asiñalan que'l sou orixe ye romanu, suxiriendu la posibilidá de qu'esti platu fuera consumíu durante la súa estancia n'El Bierzu; d'éstos pasaría al mundu medieval, convirtiénduse nun manxar d'abades, oubispos y reis. Outros asiñalan que fonun los monxes de Carracéu, a dalgún monxe eremita, los inventores del butiellu. Dambos básanse na mención de términos asemeyaos a "botiellu", "botellus" ou "botulus" en desemeyaos documentos d'estas dóminas.

Cunta la tradición que'l primer butiellu que se comía yera'l del día de Nuechebona, y que'l restu comíanse bien los domingos ou nas fiestas de los patronos de ca conceyu, siendu'l cabeiru del añu'l butiellu que se comía nel Antruexu. Consideráu "platu de fiestas" nun podía faltare nas cellebraciones relixosas ou nas bodas.

Sicasí, la falta d'una lliteratura específicamente gastronómica y las poucas nuevas lliterarias sobru la nuesa comarca nos pasaos sieglos faen abegosu documentare la esistencia de butiellos ata'l sieglu XIX, cuandu poetas y lliteratos bercianos, lu amientan nas súas oubras, describiéndulu talu y cumu guei lu conocemos.

Nel nuesu sieglu las refeerencias al Butiellu d'El Bierzu son mui frecuentes. El sou interés gastronómicu fou afinxánduse cunos años, algamandu qu'en 1992 se recueya'l butiellu nel Dicionariu de la Rïal Academia de la Llingua Hespañola, reconociendu esplícitamente'l sou orixe bercianu.